Ύμνοι, Προσευχές - Ευχή εις τον Άγιον Δημήτριον
Κύριε Ιησού Χριστέ ο Θεός ημών, προαιώνιε Λόγε του Θεού και Πατρός, ο δια χάριτος σου εμπνεύσας εν τη ψυχή του ενδόξου μάρτυρος Δημητρίου ευστάθειαν του ανδρείως καθυπομείναι εν πηλίνω σώματι τας των τυράννων σφοδράς βασάνους δια το όνομά σου, ενίσχυσον δεόμεθά σου, και ημάς ίνα δυνηθώμεν καρτερώς υπομένειν τους δια τας αμαρτίας ημών γενομένους ημίν πειρασμούς, και παντοδαπάς απειλάς του διαβόλου και καθάπερ τότε καταργήσας τη δυνάμει σου δι αὐτοῦ τας επινοίας των παρανόμων, εχαροποίησας τα των αγγέλων τάγματα ούτω και νυν αυτού πρεσβεύοντος, εύφρανον τας ψυχάς ημών, ρυσάμενος ημάς της επικειμένης πικράς τυραννίας, όπως αν και ημείς οι ταπεινοί σου οικέται ειρηναίαν ζωήν άγοντες (και νυν την ετήσιον μνήμην αυτού επιτελούντες) καταξιωθώμεν τω ελέει σου ευαρεστήσαι σοι. Ότι ευλογητός ει εις τους αιώνας των αιώνων. Αμήν.
Δεν υπάρχουν σχόλια:
Δημοσίευση σχολίου